تنين سراقين

Folder: 
دندنة

 

سمّيني حبيبي

بكتابك سرّاقه

عم اسرق الوقت

لَ حتى نتلاقا

ومن خوفي الدقايق

تنوي على فراقا

تكه بعد تكه

عم جمعهن باقه


وعم اسرق الفرصه

بلكي بتدويني

متل الطير الطاير

لضمّك بعيوني

قلك أنا بحبك

يا عمري وسنيني

اغفا بحضن قلبك

وقلّك شو مشتاقه


وانت طلعت متلي

يا ما سرقت قلوب

لوّعتا ب نارك

متل الشمع تدوب

ياما حِلفِت انو

عن حبك تتوب

وع غفله هواك

طيرلا اوراقا


وياما سرقت النوم

من عيون اللي حبك

لا قدر ينساك

ولا تهنّا بقربك

وشوف ما أحلانا

قلبي يعانق قلبك

تنين سراقين

طلعنا بهالعلاقه



View thanaa_darwish's Full Portfolio