فارق طبقي

Folder: 
دندنة

 

 

شو تمنّيت

كون الليدي..  اللي حبّيت

افهم متلك بالاتيكيت

جوّا البيت وبرّا البيت

ترضا عني..  

وما تخجل فيي يا ريت


شو تمنّيت

لكن انتا أكيد بتزكر

كنا سبعه ننام بغرفه

وعا ضو الكاز عم نسهر

وشو نفطر زعتر وزيت

وبيي كان معلم حرفه

ياخد اخواتي عالورشه

حتى هالمصروف يكفّي

ول ندرس مافينا نوفّر

ولا ليره فيني خبّيت


شو تمنيت

يمكن كان لازم تفكر

تصاهرلك عيله اكابر

وتعشق وحده متلك هاي

حتى عليها مافيك تكبر

مو متلي من بيت معتّر

ما بوصلّك مهما عليت



View thanaa_darwish's Full Portfolio