مثقف

Folder: 
دندنة

 

 

مع الاعتذار لكل مثقف حقيقي


#ثقافة


قالولي عنو مْثقّفْ

عشرين كتاب مْألِّف

حامل متلي همّ الكون

وعن نصرتنا ما وقّف


قلتلن انا مو متلو

قلبي رضيان بجهلو

عم غني متل العصفور

بجناحي بعلّي و برفرفْ


حكيي ما همّو الإصلاح

بلاقي لحالي المفتاح

لو مرّه باب المسؤول

تسكّر أو قلّي اتصرّف


ورحت أتعرّف بجدّ

قال لازم آخد موعد

قلّي الحاجب حتى روح

"اسبوع وبعدو شرّف


مشغول رئيس التحرير

معجوق بأمور كتير

مو فاضي لأمثالك

هالشعب صار يخرّف"


صدفه فتحت هالفيس بوك

منزّل كلامو المعلوك

عن حق الشعب يعبّر

عن رأيو وياخد موقف


عملتلو بس "أضحكني"

قام بسرعه حاظرني

لو يعرف ل هالطلة

قديش قلبي ملهوف



View thanaa_darwish's Full Portfolio