Author Information
حب من ورق
Folder:
دندنة
كلما بقلو وينك غايب بيقلي مشتاق
وكلما بجرب اني قرّب بشعر صدرو ضاق
وبيقرالي شوقو قصايد عن حال العشاق
وقلبي متلهف ليضمّو هاللي حبّو وراق
بجرّب اشرحلو احوالي.. واحكيلو عن همّي
بلاقيه شارد لحالو.. ما بيسمع ولا كلمه
عم بيفكر شو يغازلني وناسي يمكن حتى اسمي
جاييه اليوم اللي يكتب عن هجر وفراق
الحروف مانا ايدين لتعانق وتدفّي
ولا عيون بالنظره تترجم لو خرست الشفّه
ولا قلب اسمع دقاتو كلّا شوق ولهفه
سكران بحضن خيالاتو ويا دولو لو فاق
بيلاقي حالو لحالو.. والوقت شو سرّاق
