Author Information
متل الغيم الشارد
Folder:
دندنة
متل الغيم الشارد
بِ سما تشرين
متل سنونو مهاجر
ما بعرف لوين
متل عيون وليل
بكّاها الحنين
وحدي أنا وقلبي
تنين منسيين
..
وقديش يا هالقلب
عَ كل المفارق
نطرنا ال ما حدا
نغني غناني حب
نسفّرهن زوارق
بِ بحر المدى
يمكن صدفه الصدفه
تخلّي خيال ومارق
لَ صوتي صدى
..
ناس بتجي وتروح
وبعدي انا والقلب
منغني للنور
نرسم بكرا أحلا
وبالسما المفتوحه
هالاغاني تطير
مره تشفي جروح
مره ترد الروح
وشوما صار يصير
..
