Author Information
يا هالقلب
Folder:
دندنة
يا هالقلب ال منك قوتي وضَعفي
وعشنا العمر شَفّه بعد شفّه
تنيناتنا حملنا الوجع بكير
رفيقي كنت بِ نغمتي وحرفي
كلما تعبت بتفرّج همومي
وكلما بردت جمراتك تدّفي
ومهما الدني قسيت علينا كتير
كلمة حبيبي منك تكفّي
ياما يا قلبي زعلنا انا وياك
وقديش حتى تروق اترجاك
مشيتني ع دروب تلج ونار
وحلفت بدروبك انا أنساك
سكّرت كلشي بينّا في بواب
لقيت الورد فتّح على الشبّاك
تقلي انا خلقان كرمالك
قلك حياتي فاضيه لولاك
ارجع انا ضبك ما بين ضلوع
وداوي جرح ب لوعتو بكاك
وبعدو الهوى من صوبنا بيمرق
ومتل الفراشه تدوب ما بتّوب
تقلو لنور الحب شو بهواك
