Author Information
حكاية حب
Folder:
دندنة
جرجس قلّا لأمو
روحي خطبيلي فطوم
الصبيّه ال من عشيّه
شفناها بعرس برهوم
قالتلو يا ويل حالي
يا حرام وعيب الشوم
بدك ينجلط الخوري
وما يطهّرنا حتى الصوم
وتفضحنا كل الضيعه
من كبيرا لصغير القوم
قلّا باخدها خطيفه
واللي بدو يلوم يلوم
ديني هوي حياتي
وحياتي هيي فطوم
وفطوم حبسا بيّا
وقلا اقربلك النجوم
من الكافر عدو ألله
اللي لعب بعقلك معلوم!
يا ضيعان التربايه
وضل يسبسب شو مصدوم
وهلأ شو هيي خبارن
مافي حال رح بيدوم
عندن صبي وبنيّه
يخليلن علي ومريوم
