افتح بيبانك للهوا والضي
وافرد جناح الشوق
و علّي .... علّي لفوق
ده الليل مهما طال
شمسك ك مُهره جاي
هَفهِف كما النسمه
بالكلمه والنغمه
عيش الحياه نعمه
ده الورد غاوي ريّ
********
شوف النسيم ميّاس
يسري كإنو طير
حامل بشاير خير
لما تجلّا لك
خدّك تمللي باس
ده الصبح لما لاح
خلا المسافه بَرَاح
تتلاقى بيه ارواح
نشوانه من غير كاس
********
واطوي همومك قوم
صلّي صلاة الروح
بِ قلبك المفتوح
باب الفرج واسع
مافيش وجع بيدوم
ألليل أهو عدّى
وقطر الندى هدّى
على خدود ورده
ناسي حكاوي النوم