Author Information
قلتلي من الف عام
Folder:
أغاني باللهجة المصرية
قُلتلي من ألف عامْ
اسبقيني ..
وبعدها أنا حصّلكْ
عندي هنا في السما
شويّة حاجات عايزه اهتمامْ
اسبقيني ووضّبي الدنيا شويّه
و اوعي تنسي
انك رسوله للمحبّه والسلامْ
و عدّو الف بعد الفْ
بين لهفه وبين خوفْ
كل ما وضّبت حاجه
القا الف دراع تخرّب
واختلاف كل انسجامْ
وعيني باصّه للسما
تفتكر البرق نورك
والرعود صوت القيامْ
يا حبيبي كفايه كدبْ
لا انتا جاي
والحياه مهما حلمت
مش اكتر من
حرب وخصامْ
واوعدك اطفال بكرا
مش ح يستنّو اللي جاي
طوبه طوبه
يبنو دنيا غير دنيا
خطوه خطوه
يبتدو درب العَلامْ
